Kijet and Airoway

Buke ee' kume ee' ee' true blue anak lepo' mesti buke nda lepa uman, mesti lepa ngening ngadan kujau "airoway" ngan"kijet". Ame' padek dalem amin me pe kelo ale' pesak barang ji. Kujau pesak airoway ji ja ne kujau ilu pesak goreng malei (goreng kering) cuma nak kado li-ah sanit laah.
Akah kijet de' menjat pe du de menjam lan pesak ji. Buke du nda malei pesak ji sepit ngan bio' bao' ee. Senganak ee' Amei Ano pe sanget pesak kujau ji.

Taup de Amei Ano dedo sabei ee' un ala' pelanok (pelanok =mousedeer) nda pe je bilun (isu anun ilu teja te). Jadi ake' pekalai pesak Kijet cin Amei Ano. Amei Ano udai lesau ame' telu panak kelo uman sin pelanuk ji jadi ia nda nak telang kijet je ngan ne "malap ikem telu leko uman ja oo" daau e. Tapi ia bada' ramuan ti kijet.

Ramuan Kijet:
1- Halia (liah buke")
2-Bawang putih
3- Serai
4-Daging pelanuk
*5- Sin tena-i pelanok (buke em metem uman e).
(naat kise' pengekado sin kijet je).

Gaya' Pesak Kijet
1. Ngepana ne lipun, goreng bawang bah nei bauk ee.
2. Lepa je na daging pelanuk je dalem lipun ngan nak sungai pah te' mbau sin kujau ja lepe (ayen lembam ale' uban pesau du-au kujau je keje).
3. Pesak ne kidi udai pah letak. Buke pesak dalem "pressure cooker" tiga ale' pe je laah tapi jaga nei ee' nekepu ilu.
4. Mekep kidi ngan peletak pah mesak ke mbau luten kawa'.
5. Buke lepa mesak udai, nak usen ngan keduau.
6. Lepa je uye nepei ne du uman udai, Beleh ne ee; metem uman kidi.

Ji gaban ake' ala kerembam de dalau ee' pesak kidi me Amei Ano. Arep tepat kua' kelo ngening daau serita de meki. Un tumbak lote teka' ee keneng kujau de meki uban mao' lepa majan mudip lipau meki. Temaat ne ee gaya nyurat te me tepat. Ikem pat pe gera' ake' kidi nda pe yu. Buke un de' sala' daau ki nyat lesau ne ee' ke je.

Life Is Like a Cup of Coffee

Local Vegetables and Herbs

My top 10 favorite local greens.